點解裝修公司報價時會有一項叫保險費? 裝修工程保險邊個買都冇所謂？份保險寫業主名定裝修公司名會唔會在賠償時有分別? 以上問題大家屋企裝修時都有遇過, 但係你有冇詳細問過或叫裝修佬解釋? 今次等我地幫你拆解一下啦。 有次朋友屋企裝修, 樓下天花被裝修公司整到滲水, 佢見裝修公司二話不說即刻主動出手搞番掂，仲要唔收樓下錢, 而且堅持唔走去claim保險。朋友好奇問我係唔係保險冇得claim? 由於我未睇過份保單, 所以唔敢亂答, 所以問他方唔方便比份保單黎睇下。佢同我講份單裝修公司買, 所以唔係佢度。咁我即時覺得不妙, 錢由業主出, 但保險單都未睇過? 咁實際有冇買過都冇人知啦！ –>建築工程保險報價 佢聽我分析完即時打電話叫裝修佬比份保單copy黎睇下, 點知比極都比唔到, 講到依度, 好明顯係騙徙無本生利既慣用手法啦😚😚 總括黎講, 最緊要係裝修報價問清楚所有野, 到時裝修到一半先發現有問題都冇用。
Tag: Contractor all risks insurance
建築工程保險核保員 Construction Underwriter
近日筆者收到來信查詢有邊間保險公司做建築工程保險, 俗稱CAR Underwriter, 今次就借此機會解答該問題及講解下做 CAR underwriter 有咩野要求。 其實香港好多間保險公司都有做 Contractor All Risks Insurance, 如 Zurich, Allianz, AWAC, XL Catlin, BOC, AIG, Chubb, AXA, Asia Insurance等等。每間保險公司既 CAR Underwriter 一般只有1-3個, 要成為 CAR underwriter 最好有 Engineering / Civil / Construction 等建築背景或學歷, 因為每日都要睇工程項目的 paper work, 當然亦不昰必須的。 以而家環境黎講好少請人, 因為香港大型工程都上晒馬, 所以想入行都未必咁易。 希望幫到大家。