《守護神之保險調查》的職業存在嗎?

近日小編看到一則報導，題目為 “大台劇又亂吹 醫生批《守護神之保險調查》誤導” ，當中強調紓緩治療不會要求病人放棄治療，反而是按病人需要，提供積極治療減輕身體痛苦，及支援病人及家屬心靈需要。本人十分認同。

其實小編在 守護神之保險調查 第一集推出時已經覺得大台在幾方面有不清潔及誤導之地方:

1. “保險調查員” 這個名字在香港根本未有聽過，做保險調查的叫 “公證行”，不過這不是主要問題，可能是大台怕大家不知什麼叫公正行。

2. 第二個誤導的是大台把”保險調查員”題材當作大型警匪片來執行，一時打劫匪，一時又去揾明星查案，身份同職權好似仲勁過督察。其實好多時公正行都不受到任何人重視，一來唔知佢地係邊個，講錯野又驚收唔到保險賠償，邊會好似片中所有野都同佢地講真心話。

3. 一般黎講，做保險賠償的部門通常會分為 一般保險(GI) 及人壽保險 (Life)，做調查的人不會是同一班人，而且唔會好似警察咁樣查案。

4. 片中更稱保險調查員雖不是警員或私家偵探，卻要在保險事故後第一時間介入調查，其實第一個介入調查的是保險公司，佢地會睇下有冇唔需要先揾公證行做調查。

5. 因為工作性質關係, 依行好少女仔入行。

無論如何，依套劇片尾亦有作出簡單保險知識簡介，全部都係直入式廣告~當膠劇睇都好，不過唔好咁應真。