話說最近在網上討論區看到一個吸睛的標題: “M記又玩大逃亡”，樓主是”M記米奇”，爆下保險界行內花邊新聞! 文章內容講的是 Marsh (行內以”M記”作為Marsh的別名) 有半打人同一日last day，雖然上年(2020年)業績好，但員工需要凍薪，理由是前景不明朗。並且投訴高層本身人工高福利好，但中低層本身又唔係高人工，所以難怪人地走。仲話A記 (即是Aon) 比較 M記好，所以好多人走。咁其實邊間 Insurance Broker 好做?
雖然筆者不知道該名樓主是否在Marsh工作，但他的comment 跟市場上的行家 comment 都是相差無幾: M記有好多生意，但冇service可言，因為合無後 Marsh 的 business model 其實冇變過，主要是要員工不斷 growth，無論是什麼account 都好，賺到錢就係好 account，完全唔要求你好 technical! 相反，A記個 business model 就係永遠唔做唔賺錢同爛客，著重 servicing 同 technical knowledge，所以A記一個 Associate Director 已經可以等於M記的一個 Department Head。 至於W記 (Wills) 就在於兩者中間。當然，在商言商，賺到錢就是好公司。
不過筆者覺得M記都有一些好老闆，例如表哥這個洋鬼子，他完全識得中國文化，又專重低下層，絕對是不可多得的管理層。當然，筆者亦聽過有一些 Department Head 每天都唔洗做野，淨係每日番公司淘寶同用公司地址做收貨及交收地址，攪到下面班人做到死，除非你埋堆並擦鞋，否則好難有上位同加人工的機會。
總括黎講，筆者覺得揾一個好老闆較揾公司重要，若果你同佢夾得到，其實等於你人生容易過其它人好多。